«Արտաքին գործերի նախարարությանը, կարծում եմ, անհրաժեշտ է համագործակցել Լեռնային Ղարաբաղի արտաքին գործերի նախարարության հետ և աշխատել Լեռնային Ղարաբաղի հետ ռազմական փոխօգնության պայմանագիր կնքելու ուղղությամբ: Անհրաժեշտ է պայմանագրի տեքստն ունենալ, համապատասխան քննարկումներ անցկացնել և ուղարկել Ազգային ժողով: Հայաստանի Հանրապետությունը լիարժեքորեն կատարելու է իր պարտականությունը Լեռնային Ղարաբաղի բնակչության անվտանգության ապահովման առումով, և մենք նաև ունենք դրա իրավաբանական իրավունքը, որովհետև ինքներս հանդիսանում ենք 1994 թվականին կնքված հրադադարի համաձայնագրի կողմ»:

Սերժ Սարգսյան, 2016թ. ապրլի 2. Բաղրամյան 26-ում հրավիրված ԱԱԽ նիստում արած հայտարարություն

. . .

«Իսկ ո՞վ է ասել, որ մենք Ղարաբաղով ենք մտնելու Մաքսային միություն: Այդպիսի բան չի եղել և չի էլ կարող լինել, որովհետև Ղարաբաղը, գոնե մեր օրենսդրությամբ, գոնե մեր պատկերացումներով, Հայաստանի մաս չէ այսօր կազմում: Իսկ որ Մաքսային միությանն անդամակցելը նպաստում է Լեռնային Ղարաբաղի խնդրի լուծմանը, սա միանշանակ է: ... Իհարկե, Նազարբաևի հնչեցրածը տհաճ էր, բայց դա որևէ վնաս չի կարող մեզ տալ»:

Սերժ Սարգսյան, 2014թ., հունիսի 4. Ծաղկաձորում ՀՀԿ երիտթեւի հետ հանդիպման ժամանակ արած հայտարարություն

. . .

Այս օրերին Ֆեյսբուքում նկատեցի «էյֆորիկ» գրառումներ, որոնց հեղինակներին հիացրել է ԱԱԽ նիստում արած ՀՀԿ ղեկավարի հայտարարությունը:

Ստատուսչիկները ցնծագին գոռում էին, թե՝ հեսա, հեսա ՀՀ-ն ճանաչելու է ԼՂՀ անկախությունը:

Ստիպված ենք դիմել ժողովրդական բանահյուսությանը եւ ստատուսչիկներին խորհուրդ տալ՝ «Խելքներիդ դուռ դրեք»:

Կիմա Եղիազարյան