Թատերական անջրդի հանդում բոյբոյներն իրար մրցանակ են տալիս

● Մեկնաբանություն

27.03.2016 ● 20:55

Թատերական անջրդի հանդում բոյբոյներն իրար մրցանակ են տալիս

Ախր, շա՜տ խնդալու է...

Ամեն տարի Թատրոնի միջազգային օրվա առիթով նույն մարդիկ հավաքվում են նույն վայրում ու իրար մրցանակ են տալիս...

Հա՛, մեկ էլ իրենց՝ սերիալներում խաղացող զավակներին:

Վերեւներում ինչ-որ հովանավոր են գտնում ու ամեն տարի իրար մրցանակ են տալիս: Եվ այսպես արդեն եսիմ քանի տարի...

Լա՛վ, դուք ձեզանից չեք ամաչո՞ւմ...գոնե ձեր չունեցած հանդիսատեսից ամաչե՛ք... Տիգրան Բ Մեծի որդի Արտավազդը հո ձեր ձեռը կրակը չի՞ ընկել, որ մեր թվարկությունից առաջ ողբերգություններ է գրել ու թատրոն ստեղծել Արտաշատում, էն էլ՝ հելլենիստական ոճի...

Մեռա՛ք հովանավորների փողերը լափելով ու ձեզ մրցանակ տալով (հետն էլ՝ էլիտար տներ առնելով):

Թատրոնների գեղարվեստական ղեկավարների մեծ մասը գրին քարտ ունի ու տարվա կեսը Ամերիկայում է, իրենց թատրոններերն էլ ընտանեկան կապալի սկզբունքով են ղեկավարում՝ չստեղծելով ոչ մի ակտուալ, արժեքավոր բեմադրություն; Ցմահ նստել են իրենց աթոռներին ու 19-րդ դարի գեղագիտությամբ ու պաթոսով ներկայացումներ են անում... Բայց ամեն տարի իրենք իրենց պարգեւատրում են... Հայտնի ֆիլմում Ֆրունզի օրինակով՝ «Լավ եմ արել, ես ինձ պարգեւատրել եմ»: Հետո՞...Դրանով հայ թատրոնը զարգանո՞ւմ է: Իհարկե, ո՛չ:

Սպառել եք ձեզ, պարոնա՛յք: Ե՞րբ եք ընդունելու այդ փաստը, որպեսզի կարողանա հայ թատրոնը հոգեդարձ լինել ու վերակենդանանալ: Թե չէ, Ճլոխանի մակարդակի ձեր բեմադրություններով մի կերպ կարողանալու եք կես դահլիճ «լցնել», ինչպես մինչեւ հիմա է եղել...

Մինչեւ Խորեն Աբրահամյանի մահը՝ 2004 թվականը, գոնե զգում էիր, որ թատրոնի հոտ ես առնում (անգամ երբ նա երկրում չէր): Հիմա «թատերական» հանդում միայն բոյբոյներն են մնացել ու իրենք իրենց համար խրախճանք են անում: Թատրոն, որտեղ տարվա մեջ նույնիսկ մի անգամ մտավորականը ոտք չի դնում (ուր մնաց՝ «սովորական» հանդիսատեսը): Թատրոն, որի փտած խաղացանկն արհամարհելով հաստիքային դերասանը փող է աշխատում հեռուստասերիալներում:

Գոնե ձեզ մի քիչ նեղություն տվեք ու հետեւեք այսօրվա ռուսական թատրոնների գործունեությանը: Այնտեղ արվեստի չափանիշները սրբորեն պահպանվել են եւ շա՛տ հետաքրքիր, արդիական գործեր են բեմ հանում եւ, ինչպես նախկինում՝ հիմա էլ տոմսերը մեկ ամիս առաջ վաճառված են լինում (ի դեպ, պետությունն էլ միլիոններ չի տալիս, սովորական բյուջե է): Տեսե՛ք, էլի...Գուցե դրանից հետո ամաչեք ինքնապարգեւատրումից, մանավանդ, երբ ձեզ միլիարդ էլ տան՝ ունակ չեք որեւէ արժեքավոր բան ստեղծելու:

Կիմա Եղիազարյան

● Այս խորագրի վերջին նյութերը

Օրիորդ Գրետան և 10 փոքրիկ «բնապահպանները»

14.11.2024 ● 16:17

Հայաստան է ժամանել օրիորդ Գրետան՝ Թունբերգը: Այս աչոնիկն իրեն ներկայացնում է որպես բնապահպան, մարդասեր, ֆլան, ֆստան:

Նիկոլն ուզում է Գյումրին վերածել թմրամոլության որջի

12.11.2024 ● 11:28

Սարուխանյան Կարենը տիպիկ նիկոլական թեկնածու է՝ զզվելի, անգրագետ, անդուր, փողասեր, չտես, մուտիլովչիկ, բանսարկու։ Դե հաստ գլուխն էլ՝ ձեզ «փեշքեշ»։

Ընտրակեղծիքը շարունակվում է․ ինչու է Նիկոլ Փաշինյանը թաքցնում արտահերթ ընտրությունների ժամկետը

03.11.2024 ● 16:02

Խիարը մի շատ «նագլի» հատկություն ունի՝ թարս բուսնելու։ Հատկապես գյումրեցիներն են սիրում թարս բուսնեցնել խիարը բոլոր նրանց համար, ովքեր կարծում են, որ ինչ և ինչպես ուզեն կանեն գյումրեցիների հետ։

Անհաջող մարդու «հաջողակ» կինը. Աննա Հակոբյանը գնում է Մեհրիբանի հետքերով

01.11.2024 ● 16:14

Նիկոլը որպես տղամարդ «պադկաբլուչնիկ» է: Չի բացառվում, որ Աննան որոշել է ֆորմալիզացնել ոչ ֆորմալը և զբաղեցնել ամուսնու տեղը, ինչը ենթադրում է միջնադարյան ոճի պալատական խարդավանքներ:

Հետընտրական կեղծիք, դավաճանություն և դասալքություն Գյումրիում

30.10.2024 ● 13:37

Բալասանյանենք դասալքություն են արել։ Փախել են, համ էլ՝ փախած տեղից իրենց վերջին վնասներն են ուզում տալ Գյումրիին։ Գյումրիի ու գյումրեցու հաշվին հարստացան, հիմա էլ «զդաչին» են տալիս։

Ովքեր են քաղաքային տրանսպորտի թանկացման հեղինակները և ով է անբարոյականի վաստակը

28.10.2024 ● 14:21

Մայրաքաղաքի բնակիչները և հյուրերը պետք է ճանաչեն իրենց գրպանը մտնողներին։ Դրանք են՝ Նիկոլ Փաշինյանը, Տիգրան Ավինյանը, Սուրեն Գրիգորյանը (սա լեզվանի փոխքաղաքապետն է), Արամ Զավենովնան և Վահան Ավագյանը։

Տրանսպորտը թանկացնելու որոշումը դարձել է պատուհաս «հպարտ» քաղաքացու գլխին (տեսանյութ)

Ջրատարի վթար և ջրհեղեղ՝ Տերյան փողոցում (տեսանյութ)

Եթե տրանսպորտը թանկանա՝ գործադուլ կանենք․ քաղաքացի (տեսանյութ)

● Մեկնաբանություն