Սիրիայում ՌԴ ռազմական արշավի ընթացքում Արևմուտքը հաճախ էր մեղադրում Մոսկվային Մերձավոր Արևելքի հակամարտության էսկալացիայի մեջ։ ՌԴ նախագահի՝ Սիրիայից հիմնական ռազմական ուժերը դուրս բերելու որոշումը Մոսկվայի հակառակորդներին զրկեց իրենց հիմնական արգումենտից։ «Russia Today»–ի հետ հարցազրույցում նման կարծիք է հայտնել բրիտանացի քաղաքագետ Քամալ Ալամը։

«Ռուսաստանին մեղադրում էին այն բանում, որ նա չի կռվում ԻԼԻՊ–ի դեմ և խոչընդոտում է խաղաղ կարգավորմանը։ Կարծում եմ՝ այդ քայլին գնալով՝ Պուտինն անակնկալի բերեց Արևմուտքին՝ իրականում ապացուցելով, որ Ռուսաստանն ամեն կերպ աջակցում է խաղաղ կարգավորման գործընթացին, բայց, միևնույն ժամանակ, պայքարում է ահաբեկչության դեմ՝ պաշտպանելով նաև սեփական ազգային անվտանգությունը»,–նկատել է Ալամը։

Քաղաքագետը նշել է՝ արևմտյան կոալիցիայի ավիահարվածները որևէ կերպ չեն նպաստել ահաբեկչության դեմ պայքարին։

Մանրամասները՝ տեսանյութում։

7or.am