Թուրք բանաստեղծ Հուսեյն Հայդարը, որն իր բանաստեղծությունով ներողություն էր խնդրել Ռուսաստանից խոցված «Су-24» ինքնաթիռի համար, «LifeNews»-ին տված հարցազրույցում հայտարարել է, որ չի վախենում իշխանությունների կողմից կազմակերպված հնարավոր հետապնդումերից:

«Բանաստեղծը չպետք է մտածի` ինչպես են մյուսներն արձագանքելու նրա բանաստեղծություններին: Տարբեր խմբերը երկրում կարող են տարբեր կարծիք հայտնել, սակայն բանաստեղծը չպետք է լսի նրանց: Բանաստեղծը ազգի խիղճն ու ձայնն է», - ասել է Հայդարը:

Նա նշել է, որ իր համար քաղաքացիական դիրքորոշման ամրության և առնականության չափանիշը ռուս մեծ բանաստեղծ Ալեքսանդր Պուշկինն է:

«Տեսե՛ք, Պուշկինը վախենո՞ւմ էր կայսրից: Ո՛չ: Չի՛ կարելի վախենալ ո՛չ կայսրերից, ո՛չ սուլթաններից, ո՛չ բռնապետերից: Ճշմարտությունն ասելիս բանաստեղծը չպետք է վախենա ինչ-որ մեկից: Դա տարրական տղամարդկություն է: Եթե բանաստեղծը չի ասում այն, ինչ պետք է ասի, նրան բանաստեղծ չի կարելի համարել»,–շեշտել է Հայդարը:

Ըստ նրա` ռուսական ինքնաթիռի հետ տեղի ունեցածը ոչ միայն Էրդողանի, այլ նաև Եվրոպայի, ԱՄՆ-ի և այլ` Սիրիայի տարածքում պատերազմող ահաբեկչական կազմակերպությունների մեղքն է:

7or.am