«The Atlantic» հայտնի գրական ամսագրի թղթակից Ջեֆֆրի Գոլդբերգի հետ զրույցում ԱՄՆ նախագահ Բարաք Օբաման հայտնել է՝ չնայած պաշտոնական տեղեկություններին այն մասին, որ Սիրիայի քիմիական զինաթափման գաղափարն առաջարկել է Ռուսաստանը, գաղափարի հեղինակը հենց ինքն է՝ Օբաման: Այս մասին տեղեկացնում է «LifeNews»-ը:

Ըստ ԱՄՆ նախագահի՝ նա առաջարկել է ՌԴ նախագահ Վլադիմիր Պուտինին կազմակերպել Սիրիայի քիմիական զինաթափումը` Դամասկոսում հատուկ գործողություններ իրականացնելուց հրաժարվելու դիմաց:

«Սանկտ Պետերբուրգում կայացած G20-ի գագաթաժողովում Օբաման, ըստ նրա հուշերի, կողքի է տարել Պուտինին ու ասել. «Եթե մենք ստիպենք Ասադին ձերբազատվել քիմիական զենքից, դա կվերացնի ռազմական հարվածներ հասցնելու անհրաժեշտությունը»», - գրել է Գոլդբերգը:

Աղբյուրը հիշեցնում է, որ 2013 թվականին Ռուսաստանի նախաձեռնությամբ, որի հեղինակային իրավունքներն Օբաման իրեն է վերագրել, քիմիական զենքը դուրս է բերվել Սիրիայից՝ Քիմիական զենքի արգելման կազմակերպության վերահսկողության տակ:

7or.am