Եվրամիության երկրները Բրյուսելի գագաթաժողովում մտադիր են որոշում կայացնել «բալկանյան երթուղու» փակման մասին՝ խոչընդոտելու փախստականների մուտքը Հունաստանից Եվրոպա։

Համապատասխան փաստաթուղթը թվիթթերյան իր էջում հրապարակել է գերմանական «Bild»–ի թղթակիցը։

«Ներգաղթյալների անհավասարաչափ հոսքը Բալկաններով կվերջանա. այդ երթուղին այժմ փակված է»,–ասվում է փաստաթղթում։

«gazeta.ru»–ի փոխանցմամբ՝ Բրյուսելում այսօր՝ մարտի 7–ին, կկայանա ԵՄ երկրների գագաթաժողովը, որին կմասնակցի նաև Թուրքիան։

Մասնակիցները պատրաստվում են քննարկել Եվրոպայի միգրացիոն ճնգաժամը։ Անկարան ակնկալում է 3 մլրդ եվրո ստանալ Թուրքիա ժամանած փախստականների համար արժանավոր պայմաններ ստեղծելու համար։

Ավելի վաղ էլ Չեխիայի նախագահ Միլոշ Զեմանը հայտարարել էր, որ ԵՄ–ն չպետք է ներգաղթյալների խնդիրների համար Թուրքիայի իշխանություններին այդ գումարը հատկացնի։

7or.am