«Սերժ Սարգսյանն իր ելույթում նշել է, որ այն մարդիկ են մեղադրում իրեն Ղարաբաղի տարածքները հանձնելու մեջ, ովքեր ցանկանում էին Ղարաբաղը Ադրբեջանի կազմում տեսնել. ովքե՞ր էին այդ մարդիկ» հարցին ՀՀԿ խմբակցության քարտուղար Էդուարդ Շարմազանովը պատասխանել է.

-Կարծում եմ՝ շատ պարզ է՝ ում մասին էր խոսքը՝ նրա, ով քաղաքական պատասխանատվություն և քաջություն չունեցավ մինչև վերջ իրագործել ժողովրդի կամքը։ Մենք բոլորս հիշում ենք՝ ով պատասխանատվություն չունեցավ, ով հեռացավ, և ով 1992թ. մարտի 5-ին «Комсомольская Правда»-ում ասաց, որ Ղարաբաղը պետք է լինի Ադրբեջանի կազմում։ «Комсомольская Правда»-ին հարցազրույց էր տվել Լևոն Տեր-Պետրոսյանը, հրաժարական ներկայացրած նախագահը նորից Լևոն Տեր-Պետրոսյանն էր։ Մեկնաբանությունները թողնում եմ Ձեզ։

7or.am