-Դիտարկման առումով ես համաձայն եմ, որ իհարկե կայացած չէ քաղաքացիական հասարակությունը։ Կայացած չէ նաև իշխանությունը, կայացած չեն կուսակցությունները, այդ թվում նաև՝ իշխող կուսակցությունը, պետությունը կայացած չէ,-«7օր»-ի հետ զրույցում խոսելով ՀՀ նախագահ Սերժ Սարգսյանի ՀՀԿ 12-րդ համագումարի ելույթի այն հատվածի մասին, որտեղ նշում էր, թե քաղաքացիական հասարակությունը կայացած չէ ՝ ասել է «Համագործակցություն հանուն ժողովրդավարության» կենտրոնի նախագահ Ստեփան Դանիելյանը։

Նա նշել է, որ Սերժ Սարգսյանը, որպես երկրի գործող նախագահ, պետք է ստեղծի պայմաններ  և նպաստի դրանց կայացմանը։

 -Եթե մենք նայում ենք արված քայլերին, կարող ենք ասել, որ նա ոչ միայն չի նպաստում, որ խոսքի ազատությունը կայանա, այլ հակառակը։ Օրինակ՝ քայլ պետք է արվեր Ա1+-ը բացելու համար, եթեր տրամադրելու հնարավորություն տար,  բայց Սերժ Սարգսյանը դա չի անում։ ՀԿ-ների մասով նոր օրենսդրություն է մշակվում, որն ավելի պետք է ճնշի ՀԿ-ներին, և դա իր ասածի ճիշտ հակառակն է,- ասել է Ստեփան Դանիելյանը։

7or.am