Ինքնահռչակ Կոսովոյի Հանրապետության խորհրդարանն արտաքին գործերի նախարար, Դեմոկրատական կուսակցության առաջնորդ Հաշիմ Թաչիին երկրի նոր նախագահ է ընտրել։ Այս մասին հայտնում է «ria.ru»–ն՝ «Kossev»–ին հղումով։

Ընտրությունն ընթացել է խորհրդարանի շենքում ու դրա սահմաններից դուրս իրականացվող բողոքի գործողությունների համապատկերին: Ընդդիմադիրները դահլիճում անգամ արցունքաբեր գազ են կիրառել, իսկ դրսում ակտիվիստները դյուրավառ հեղուկով շշեր են նետել:

Ցուցարարների կարծիքով գործող իշխանությունները, այդ թվում՝ Թաչին, Սերբիայի հետ համաձայնագրի շրջանակում ավելի շատ ինքնավարություն են տրամադրել էթնիկ սերբական փոքրամասնությանը:

Կոսովոն Սերբիայից անկախացել է 2008-ին: Ներկայումս Կոսովոյի ինքնիշխանությունն ընդունել է ավելի քան 90 երկիր։

Կոսովոյի ներկայիս նախագահ Ատիֆետե Յահյագայի մանդատը լրանում է ապրիլի 7-ին:

7or.am