Կրեմլից ափսոսանք են հայտնել, որ ՄԱԿ ԱԽ–ում համաձայնության չեն եկել Սիրիայի հարցով ՌԴ առաջարկած բանաձևի շուրջ։ Այս մասին, «lifenews»–ի փոխանցմամբ, հայտարարել է ՌԴ նախագահի մամուլի խոսնակ Դմիտրի Պեսկովը։

«Կարելի է ափսոսանք հայտնել բանաձևի նախագծի` հավանության չարժանանալու կապակցությամբ։ Ռուսաստանը շարունակում է կայունություն ապահովելու իր հետևողական ու թափանցիկ գիծը, ահաբեկչության դեմ պայքարն ու տարածաշրջանի տարածքային ամբողջականության պահպանումը»,– շեշտել է Պեսկովը։

Նա նաև հավելել է, որ ՌԴ–ն անթույլատրելի է համարում Սիրիայի տարածքում Թուրքիայի հրետակոծությունները։ Պեսկովի խոսքով՝ այդ թեման քննարկվել է նախօրեին ՌԴ նախագահ Վլադիմիր Պուտինի կողմից հրավիրված ՄԱԿ ԱԽ նիստում։

Հիշեցնենք՝ ՄԱԿ ԱԽ 6 անդամ մերժել է Սիրիայի հարցով ՌԴ բանաձևը, որը պահանջում էր դադարեցնել Սիրիայի ինքնիշխանությունը խախտող ցանկացած գործողություն։

7or.am