Մեկ ժամ առաջ Երևանի Կարեն Դեմիրճյանի անվան մարզահամերգային համալիրում մեկնարկել է Հայաստանի հանրապետական կուսակցության 12-րդ համագումարը։ Համագումարին ներկա էին քաղաքական տարբեր ուժերի ներկայացուցիչներ, ԱԺ պատգամավորներ, նախարարներ և այլք, մասնավորապես Գագիկ Բեգլարյանը, Դավիթ Հարությունյանը, Ալբերտ Երիցյանը, ՀՀ ֆինանսների նախկին նախարար Վարդան Խաչատրյանը, ֆինանսների նախարար Տիգրան Դավթյանը, կապի և տրանսպորտի նախկին նախարար Անդրանիկ Մանուկյանը, Ռուբեն Հայրապետյանը, Միքայել Վարդանյանը, ԲՀԿ խմբակցության քարտուղար Արամ Սաֆարյանը, ԲՀԿ խմբակցության անդամ Նաիրա Զոհրաբյանը և ՀՅԴ Բյուրոյի ներկայացուցիչ Հրանտ Մարգարյանը, ով ժամանեց վերջինը։  

Արտախորհրդարանական ուժերից ներկա էին ՍԻՄ նախագահ Հայկ Բաբուխանյանը, «Համերաշխություն» կուսակցության նախագահ Սարգիս Ավետիսյանը, «Ազգային միաբանություն» կուսակցության նախագահ Արտաշես Գեղամյանը, ինչպես նաև Միացյալ աշխատանքային կուսակցության նախագահ Գուրգեն Արսենյանը, ով ժամանել էր ՀՀԿ անդամ Հարություն Փամբուկյանի հետ։

ԲՀԿ խմբակցության քարտուղար Արամ Սաֆարյանը «7օր»-ին տեղեկացրել է, որ ԲՀԿ նախագահ Գագիկ Ծառուկյանը համագումարին ներկա չի լինելու, քանի որ անձնական հրավերով գտնվում է արտերկրում։

«Ժառանգություն» կուսակցությունից ևս համագումարին ներկա չէին։

7or.am