Այսօր Կարեն Դեմիրճյանի անվան մարզահամերգային համալիրում մեկնարկել է ՀՀԿ 12-րդ համագումարը, որին մասնակցում են նաև տարբեր քաղաքական ուժեր։ «Ժառանգություն» կուսակցության ներկայացուցիչներից, սակայն, ոչ ոք չկար։ «7օր»-ի հետ զրույցում «Ժառանգություն» կուսակցության վարչության նախագահ Արմեն Մարտիրոսյանն ասել է, որի իրենց հրավեր չի ուղարկվել։ Այն հարցին, թե ինչո՞վ է դա պայմանավորված, նա պատասխանել է. «Իրենց կուսակցության համագումարն է, իրենք իրենցով են երևի ուզում անել, դա արդեն իրենց պետք է հարցնել. ես ի՞նչ իմանամ։ Ես դրանում խնդիր չեմ տեսնում»։

7or.am