Երևանի քաղաքապետարանի աշխատակազմի տրանսպորտի վարչության հասարակական տրանսպորտի կարգավորման բաժնի գլխավոր մասնագետ Կարեն Հակոբյանը լրագրողների հետ հանդիպման ժամանակ ասել է, թե ըստ սահմանված կարգի, կապված վառելիքի և այլ տեխնիկական միջոցների թանկացման հետ, հասարակական տրանսպորտի սակագները կարող են փոփոխվել։

-Տնտեսվարող սուբյեկտները կարող են մրցութային հանձնաժողովին հայտ ներկայացնել և հիմնավոր պատճառներ բերել, թե ինչու սակագինը պետք է փոփոխվի, և հանձնաժողավը, ուսումնասիրելով  պատճառաբանությունները, տալիս է համաձայնություն կամ մերժում է,-ասել է նա։

Այն հարցին, թե վերջերս տնտեսվարող սուբյեկտները տրանսպորտի սակագները թանկացնելու դիմում էին ներկայացրել, արդյոք հնարավո՞ր է, որ դրանք բարձրանան,  նա պատասխանել է, թե սակագինը դեռևս 100 դրամ է։

-Աշխատում ենք, որ հօգուտ ժողովրդի լինի, և սակագները չբարձրանան,-ասել է Կարեն Հակոբյանը։

7or.am