Ինչպես տեղեկացրել էինք, ՀՀ գլխավոր դատախազ Աղվան Հովսեփյանը միջնորդագիր է ներկայացրել Ազգային ժողովի ԲՀԿ խմբակցության պատգամավոր Վարդան Օսկանյանին քրեական գործում որպես մեղադրյալ ընդգրկելու հարցում համաձայնություն տալու վերաբերյալ:

«7օր»–ի հետ զրույցում մեկնաբանելով այդ փաստը՝  «Սարդարապատ» շարժման նախաձեռնող խմբի անդամ Տիգրան Խզմալյանը նշել է.

«Ըստ երևույթին, խոշոր ավազակների հետ կապված Աղվան Հովսեփյանը լուծել է բոլոր խնդիրները։ Դրանով վարկաբեկվում է և՛ արդարադատության գաղափարը, և՛ օրենքի արջև հավասարության սկզբունքը։ Հասարակությունը ահռելի ջանքեր է գործադրում հանցավոր, հանցատար     օլիգարխներին մեղավոր ճանաչելու համար, իսկ Վարդան Օսկանյանը, իր բոլոր արած և չարած գործերով հանդերձ, օլիգարխ չէ։ Հասարակության համար ակնհայտ է, որ անգամ այստեղ կատարվում է ընտրություն և, ինչպես միշտ, Հայաստանում ընտրությունները ազնիվ թափանցիկ և արդար չեն»։

Հարցին, թե  նման քալլը նախագահական ընտրութունների նախաշեմին, չի՞ վկայում ակնհայտ քաղաքական պատվերի մասին, Խզմալյանը պատասխանել է.

«Դուք, փաստորեն, պատասխանում եք ձեր հարցին։ Հիմա գնում է համակարգի քաղաքական պատվերը, դա ակնհայտ է։ Իմ և հասարակության մոտ այդ խնդրի շուրջը հարցեր չեն ծագում, դա ակնհայտ է։ Իսկ Աղվան Հովսեփյանի կամ նրա տերերի միտումը պարզ է բոլորին։ Ըստ երևույթին, մենք վերջիվերջո տեսանք՝ ով է այն գլուխը, որից պետք է բռնել, ինչպես արտահայտվեց Սերժ Սարգսյանը»։

7or.am