-Փոփոխությունների այն ամբողջ ծավալը, որը ներկայացված էր ԱԺ-ի պատգամավորների կողմից, հանձնաժողովներում քննարկման ժամանակ կառավարության կողմից հավանության արժանացավ։ Հիմնականում դա էր պատճառը, որ այս փաթեթը որոշակի ժամանակով հետաձգվեց,-«7օր»-ի հետ զրույցում ասել է ԱԺ ՀՀԿ խմբակցության անդամ Կարեն Ավագյանը։ Պատասխանելով հարցին, թե ինքն ինչպե՞ս կքվեարկի «հարկային բարեփոխումներ» կոչված փաթեթին, պատգամավորն ասել է.

-Եթե արված առաջարկություններն ընդունվեն, «կողմ» կքվեարկեմ, իսկ հին տարբերակին՝ «դեմ»։

Կարեն Ավագյանի խոսքերով՝ ցանկացած բարեփոխում պետք է ինչ-որ բանի նպաստի։

-Եթե այդ օրինագծի անունը դրել էինք հարկային բարեփոխում, ապա այն պետք է բարեփոխումներ ներառեր ու բխեր տնտեսվարողների շահերից։ Իսկ ներկայացված տեսքով այն չէր բխում տնտեսվարողների շահերից։